Paano pumunta sa Our Lady of Fatima University – Antipolo Campus?


Paglalahad na Pamamaraan o Pag-sunod sa Panuto
Ang Paglalahad ang isang pamamaraang diskurso na naglalayong mag-bigay linaw at lubos na panguunawa sa mga mambabasa sa pamamagitan n g pagpapaliwanag ng pamamaraan o proseso ng paggawa ng isang bagay o sa pamamagitan ng pagbibigay direksyon o mga kaukulang hakbang sa pagkumpleto ng pagtatapos sa isang Gawain.

Paglalahad ng bawat hakbang kung paano pumunta sa Our Lady of Fatima University – Antipolo Campus mula sa Concepcion Dos, Marikina City (isa lamang ito mula sa maraming paraan)
Our Lady of Fatima University - Antipolo Campus
  1. Kahit saan parte ka man ng Concepcion Dos, Marikina City magmumula, maaari kang sumakay sa tricycle at sabihin lamang na ikaw ay bababa sa “tulay ng Lilac Street”. Kung ikaw lamang ang pasahero ay dalawampung piso (P20) lamang ang pamasahe ngunit kung ikaw ay may kasama, sampung piso (P10) lamang ang singil kada pasahero.
    Tulay ng Lilac Street
     
  2. Pagkababa sa tulay, may makikita kang isa pang terminal ng mga tricyle. Maaring tumawid sa kalsadang iyon o pumara na lamang at sabihin na ikaw ay bababa sa “Masinag”. Dalawampu’t limang piso (P25) naman ang singil kapag mag-isa ka lamang sasakay at sampung piso (P10) kada pasahero ang singil kapag may ibang pasahero kang kasabay.
    Masinag
  3. Pagkababa sa Masinag ay maaaring mag-abang na ng jeep paakyat ng Antipolo, ngunit kadalasan ay puno na ang mga jeep na dumadaan dito kung kaya’t mas mainam na maglakad na muna nang kaunti hanggang sa makakita ng foot bridge.
    Foot bridge
  4. Umakyat sa  foot bridge upang makatawid sa kabilang parte ng Masinag at doon naghihintay ang iilang mga jeep na paakyat ng Antipolo.
    Sakayan ng jeep sa kabilang banda ng Masinag
  5. Sumakay sa jeep na may karatulang “Antipolo” at sabihin lamang na sa “Fatima” ka bababa. Walong piso (P8) lamang ang babayaran mo kapag ikaw ay estudyante o kaya ay Senior Citizen, Siyam na piso (P9) naman bilang minimum fare.
  6. Pagkarating sa OLFU ay aakyat pa muli ng foot bridge dahil mahigpit na ipinagbabawal ang pagtawid sa kalsadang iyon. Ang kabuuang biyahe ay nagtatagal lamang ng tatlumpong minute (30 minutes).
    Pagbaba ng jeep at pagakyat muli ng foot bridge

DELOS SANTOS, Ma. Aletheya C.
BSPT 1Y2-1

Comments

Post a Comment